Qaraciyər piylənməsinin təbii müalicə kursu

? QARACİYƏR PİYLƏNMƏSİNİN TƏBİİ MÜALİCƏ KURSU ?

Qaraciyər piylənməsi qaraciyərdə piy yığılmasıdır. Ultrasəs müayinə (USM) zamanı piylənmənin yüngül və yaxud ağır formasını vizual olaraq görmək olur. Bu diaqnoz adətən qara ciyərinin strukturunda piy kütləsinin patoloji yığılması faktoru mövcud olduğu halda qoyulur. Çünki normada qaraciyərin strukturunda piy yığımı olmamalıdır. Bu patoloji proses inkişaf edərsə, o zaman piy kütləsinin tərkibində birləşdirici toxumalar əmələ gələcək.

♻️ Qaraciyər piylənməsinin səbəbləri:
*Maddələr mübadiləsinin pozulması;
*Hiss olunmaz dərəcədə fasiləsiz zəhərlənmə ( bu qəbul etdiyiniz qida, spirtli içkilər, yaşayış mühiti və yaxud çalışdığınız işlə ilə bağlı ola bilər);
*Şəkərli diabet xəstəliyi zamanı qanda şəkərin miqdarı vaxtında tənzimlənmədikdə;
*Virus hepatitlərinin təsirindən;
*Dərman preparatların nizamsız və təhlükəsiz rejimdən kənar qəbulu;
*Orqanizmdə dəmirin miqdarının dəfələrlə artması;
*Patoloji kökəlmə və s.

? Qaraciyər piylənməsinin əlamətləri:
Xəstəliyin ilkin inkişaf mərhələsində əlamətlər özünü vizual olaraq göstərmir. Lakin xəstəliyin inkişafına işarə ola biləcək əlamətləri hiss etdikdə həkimə müraciət etmək məsləhət görülür:
*Həzm prosesinin tez-tez pozulması;
*Ürəkbulanma;
*Qusma;
*Sağ qabırğaaltı nahiyədə ağırlıq hissləri.

? Adətən bu əlamətləri xəstələr ciddi qəbul etmirlər və qəbul etdiyi qidaların keyfiyyətsiz olması və s. ilə əlaqələndirirlər. Xəstəlik tədricən dərinləşir və əlamətlərin sayı da artır. Xəstələr ümumi zəiflikdən, səbəbsiz yorğunluqdan, fiziki aktivliyin düşməsindən, sağ qabırğaaltı nahiyədə ağrının tapılmasından, boyun və qoltuqaltı nahiyələrdə tünd ləkələrin əmələ gəlməsindən (ləkələr bədənin digər nahiyələrində də ola bilər) şikayətlənirlər.

ℹ️ Biz hər zaman olduğu kimi ilk öncə konsultasiya edərək problemin kökünü aşkarlayıb, sonra həmin problemə uyğun müalicə və ya profilaktika kursu təyin edirik. Ən əsası bu prosedurlar heç bir orqana ziyan vurmadan, tam təbii şəkildə həyata keçirilir.